لكل من طلب مقادير الصابلي غادي نعطيكم المقادير الأساسية
-250g زبدة طرية ماشي مارغرين
-120g سكر
-2 أصفر البيض والأبيض نخليوه باش نزينو...
-كأس زيت صغير 120ml
-2 معلق كبار نشا ميزينا
-ملعقة كبيرة مربى المشمش
-كيس خميرة الحلوة
-الطحين حسب الخليط
هادو هما المقادير بالنسبة إلصابلي العادي أما يمكن لينا نضيفو 100g لوز محمر ومطحون أو اللوز بودرة أو 100g كوك إلى بغينا صابلي بالكوك أو كاوكاو أو جوز وبندق هادو إلى بغينا نضيفهم نعملوهم قبل مانديرو الطحين يعني في الأول
*وممكن نسمو العجين بالفاني أو قشور الحامض قشور البرتقال أو القهوة سريعة الذوبان
*أو إلى بغينا نوعو يمكن نقسم العجين ونضيفلو ملونات غذاية أو الشكلاط غبرة .......
*طريقة جديدة خرجت أنو نضيفو حبيبات الشكلاط الملونة إلى العجين باش يجي الصابلي مزين
*أما التزيين في الأخير يمكن عمل الشكلاط الأبيض و- الأسود المربى نيستلي كراميل نزينو بعجين اللوز أو عجين الشكلاط ويمكن لكم تتفنو في التزيين أيضا
*أنا عملت بعد الأشكال على حسب الموجود عندي في البيت الصراحة كاينين مراشم جداد يجي الشكل زوين أنا مامتوفرينش عندي حتى ننزل المغرب وناخد بيهم نشالله لهذا عملت أشكال عادية نتمنى يعجبكم ونكون جاوبت على التساؤلات ديالكم
